Dagbók

Á toppi Hvannadalshnúks ásamt samstarfsfólki og fylgifiskum í júní í fyrra.

Föstudagurinn var síðasti dagurinn minn hjá Men&Mice eftir fimm ár og fjóra mánuði þar. Hef kynnst fullt af fólki, fengist við fjölmörg áhugaverð verkefni og hef j…

Sólin fer ekki hátt þessa dagana, en birtan verður afskaplega fallega þessa fáu tíma sem sést til hennar.

Nýbúinn að láta raka af mér hárið

Þegar Ásdís Birta Óttarsdóttir systurdóttir mín auglýsir eftir hármódelum, fyrir námið í Tækniskólanum, sit ég alltaf eftir með sárt ennið, módelin hennar þurfa að vera með millisítt eða sítt, liðað eða þykkt …

Mannlíf við Estacas ströndina á miðvikudag

Við hjónin komum heim í gær eftir tvær vikur á Spáni. Hefðum alveg viljað vera lengur úti að slaka á og gera ekki neitt en það er ekki í boði, hversdagsleikinn tekur við. Hver veit samt, kannski eru á…

Á góðri stundu á laugardag, meðan allt lék í lyndi.

Lesandi, ég hef brugðist með því að upplýsa ekki um veikindi síðustu vikna! Best að gera bragarbót á því. Þó það væri ekki nema til að birta eitthvað á þessu blessaða bloggi.

Fyrir tvei…

Snjókoma og glampandi sól í Bakkaseli

Fórum í göngutúr í Breiðholti að loknum vinnudegi. Slatti af fólki á ferðinni, nokkrir að skokka og hjóla. Langflestir virtu tveggja metra regluna.

Gengum meðal annars framhjá Breiðholtslaug/Fjölbrau…

Tvær af fjórum, pepperoni og sveppir. Pulled pork, beikon, sveppir og laukur.

Það tekur mig bara sólarhring að gera ágætar pítsur! Tíu mínútur í gærkvöldi, tíu í hádeginu og 45 í kvöld. Trikkið er að gefa deiginu góðan tíma og vera ekkert að h…

Pulled pork borgari

Dagsverkið hjá mér fólst í að gera gera pulled pork. Bjó til kryddblöndu (púðursykur, paprika, hvítlauksduft, salt, pipar ofl) og makaði á kjötið. Brúnaði í steypujárnspotti, steikti svo lauk, sellerí, gulrætur og fleira í …

Kolla á bílastæðinu við Smáralind. Þar var ekki mikið að gera.

Ég, Kolla og Gyða fórum í göngutúr í næsta almennilega bakarí, löbbuðum 9.6km fram og til baka! Bakaríið er semsagt Brauð&co í Garðabæ.

Reyndar ákváðum við fyrsta að far…

Mynd úr bústaðaferð 6. mars

Það fréttnæmasta frá deginum í dag er að ég fór í Bónus! Var að sjálfsögðu búinn að gera ítarlegan innkaupalista og raða honum upp eftir uppsetningu verslunarinnar í Smáranum.

Var mættur í Smárann um hálf tól…

Lóðasettið

Það var töluvert fjarfundað í Bakkaseli í dag. Gyða á miðhæðinni, ég niðri á skrifstofu. Scrum standup klukkan tíu hjá mér, aðalfundur Trackwell klukkan ellefu, refinement fundur klukkan eitt og starfsmannafundur hjá Men&Mice k…

Vaffla með ís og súkkulaðisósu

Í tilefni vöffludagins voru vöfflur eftir hádegismat hér í Bakkaseli. Mér finnst þær bestar með ís og súkkulaðisósu. Notaði uppskriftina úr Stóru matarbókinni. Helsti vandinn við vöfflugerð er að setja rétt magn …

Þessi fallegi fákur tók á móti okkur og kvaddi við bústað. Tók símamynd úr bílglugga þegar við fórum heim.

Veirudagbók, áttundi kafli. Fátt gerðist annað en að við hjónin ókum í sumarbústað til að sækja handlóðasett.

Unnum heima í dag. S…

Ég bugaðist og splæsti í tölvuskjá á heimaskrifstofuna í dag. Ekki að ástandið hafi verið slæmt fyrir, ég var að nota tvo ágæta skjái. En mig vantaði eiginlega annan skjá og af hverju þá ekki bara að kaupa almennilegan skjá fyrir vinnuaðstöðuna heima. 49″ Samsung breiðskjár varð fyrir valinu. Ekki ódýr, en geggjaður!

Af hverju finnst mér ég þurfa að réttlæta svona kaup? Það er engin ástæða til þess.

Til að syndajafna fór ég og gaf blóð. Fékk SMS frá Blóðbankanum í morgun og bókaði tíma 16:30. Allir þurfa að panta tíma til að gefa blóð núna og þvi var rólegt. Ekki hefðbundnar veitingar í boði í bankanum, bara möffins í plasti, engin skúffukafa! Bömmer. Ég gleymdi að fá mér möffins þegar ég fór en fékk mér djús áður en ég gaf. Þetta var blóðgjöf númer fjörutíu og sjö.

Kom við í Nettó í Mjódd á heimleiðinni og keypti kartöflur, pasta og mjólk. Ekkert spritt í boði við innganginn, slatti af fólki í búðinni en ekki þröngt.

Við misstum af kvöldfréttum, föttuðum það tíu mínútur yfir sjö en vorum svo sammála um að það væri allt í lagi. Maður þarf ekki að sjá þetta allt í beinni, ef það er fréttnæmt sjáum við það á fréttamiðlum. Merkilegasta stemmingin á samfélagsmiðlum í dag finnst mér hugmyndin um að fyrst fjölmargir í einkageiranum séu að fara í hlutastarf eigi það sama að gilda um ríkisstarfsmenn. „Sælt er sameiginilegt skipbrot“ væri hægt að segja, „ef ég tapa, verða aðrir að tapa líka“ gætu aðrir sagt. Mér finnst þetta óskaplega furðulegt viðhorf. Í fyrsta lagi er ríkið að fara að greiða muninn að hluta og í öðru lagi mæðir mikið á mörgum opinberu starfsmönnum.

Eldaði saltfisk með tómat-chili-ólívusósu og kartöflumús. Afskaplega gott þó ég segi sjálfur frá, enda segja stelpurnar það líka. Skar fiskinn í bita, velti upp úr hveiti og pipar og steikti í helling af ólívuolíu ásamt hvítlauk og chili. Lagði svo ofan á tómatsósuna í lokin.

Ég fór ekki út úr húsi í dag, fyrir utan rölt framfyrir hús til að taka mynd af þakinu. Það voru dálítil læti í snjónum sem skreið fram af þakinu.

Fréttir dagsins ekki óvæntar en leiðinlegar, stífara samgöngubann og þar með búið að loka m.a. líkamsræktarstöðvum, fólki sem stundar slíkar stöðvar aldrei til mikillar gleði. Það var svosem ljóst að þetta myndi gerast, því miður voru margir ekki að höndla þetta eins og ég hef nefnt síðustu daga. Ég hefði mátt vera búinn að koma mér upp einhverri aðstöðu í bílskúrnum fyrir löngu en þar sem það er stutt að rölta í ræktina, bæði hér heima og úr vinnunni, hefur mér þótt það óþarfi. Stefni á að skjótast í bústað á þriðjudag, ef veður leyfir, og sækja handlóðasettið sem ég á þar. Við erum með hlaupabretti og „elliptical“ í sjónvarpsstofuni og svo þarf ég bara að stúdera ýmsar styrktaræfingar með eigin líkamsþyngd næstu vikur.

Hvað hef ég gert í dag? Tja, leyst súdókur (illa), spilað tölvuleik (illa) og lagt mig (frekar illa). Fylgdist svo með fréttamannafundi dagsins, þar sem fréttamenn virtust ekki hafa hlustað á nokkuð sem sagt var á þessum fundi eða öðrum, og þvaðrinu á Twitter. Veðrið er búið að vera hundleiðinlegt.

Salvíukjúklingurinn er að verða tilbúinn. Á morgun verða afgangar og ég er að spá í að taka saltfisk úr frysti fyrir þriðjudagsmatinn. Ekkert stress auðvitað, það er enn hægt að fara í matvörubúðir, en annars er nóg til af mat hér í Bakkaseli.

Heimavinna hjá allir fjölskyldunni á morgun. Mér finnst eins og nú fyrst sé þetta að verða alvöru einangrun, við lokuð inni.

Þetta var nú alls ekki svona dramatískt í raunveruleikanum, ég stóðst bara ekki mátið og fiktaði.

Ég rölti í ræktina í morgun í slabbinu. Ótrúlega fallegt veður, hvítur púðursnjór yfir öllu og sólin skein. Fólk var áberandi duglegra við að þrí…

Gyða og Inga María vinna/læra í stofunni í Bakkaseli.

Unnum og lærðum heima í Bakkaseli í dag. Fórum lítið úr húsi. Sóttum reyndar bílinn til BL í dag, þar borgaði ég tuttugu þúsund krónur fyrir ekkert. Svona eins og vanalega. Ég nenni þessu d…

Funglasöngurinn var ærandi við Fellaskóla

Heimavinna í dag, í tölvuherberginu fyrir hádegi og stofunni seinnipartinn. Rölti í ræktina í hádeginu og hitti fugla við Fellaskóla. Það var dálítið að gera þegar ég kom í ræktina rétt fyrir eit…

Útsýnið af göngubrú yfir Breiðholtsbrú þegar ég labbaði heim úr ræktinni í gær.

Við hjónin fórum í matvörubúð í kvöld um hálf sjö, vorum ekkert búin að hamstra! Leiðin lá í Krónuna Lindum.

Þar er talið inn eins og í öðrum búðum, við þurf…

Gyða í göngutúr við bústað

Þetta eru skrítnir tímar.

Það er merkileg ró yfir öllum. Við vitum að ástandið er alvarlegt en áttum okkur kannski á hversu alvarlegt það er. Eflaust vegna þess að enn sem komið er hefur Ísland ekki lent illa í þes…

Ég var ekki að nota svona bekk í gær; þarna eru öryggisstangir sem hefðu bjargað málum. Gáfulegra að nota slíkt. Myndin er frá lok janúar, þegar ég tók 130kg einu sinni, sem er það mesta sem ég hef tekið hingað til.

Það kom að því að ég þurfti…

Flugeldar í Garðabæ

Gleðilegt ár og takk fyrir það liðna.

Vorum hjá foreldrum mínum í Garðabæ á gamlárskvöld, flugeldasýningin var í boði íbúa á flötunum. Ágætis sýning hjá þeim. Nágrannar mínir í Seljahverfi voru svo að sprengja kökur klukka…